Vendimi i Kuvendit të Kosovës lidhur me Trepçën ka nxitur reagime të fuqishme në veriun e Kosovës por edhe në Qeverinë e Serbisë, të cilët pretendojnë se Trepça i përket vetëm atyre. Qeveritarë të lartë të Beogradit kanë paralajmëruar kërkesën për mbajtjen e një seance urgjente në Këshillin e Sigurimit të OKB-së, dhe negociata të reja në Bruksel. Edhe deputetët serbë kanë vendosur ta pezullojnë pjesëmarrjen e tyre në Kuvendin e Kosovës. Të njëjtën masë e kanë paralajmëruar se po e marrin edhe ministrat serbë në Qeverinë e Kosovës, e cila tani për tani ka përjashtuar çfarëdo mundësie që “Trepça” të diskutohet në Bruksel, ashtu siç ka kërkuar pala serbe. Qeveria do të dialogojë vetëm atëherë kur BE-ja do të kërkojë bisedime nga Prishtina zyrtare, sikur ka bërë vazhdimisht deri tani.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …