Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas deklaratës së kryeministrit, Edi Rama, se Akropoli u shpëtua prej një shqiptari dhe se kontributi i shqiptarëve për çlirimin e Greqisë ka qenë i jashtëzakonshëm, por edhe përplasjeve me tone të larta mes Athinës dhe Tiranës për situatën në Himarë, Ministria e Jashtme greke ka thirrur për sqarim ambasadorin shqiptar, Dashnor Dervishi, të cilit Athina zyrtare i ka kërkuar shpjegime lidhur me këto deklarata. Burime në Ministrinë e Jashtme thonë se pala greke ka ngritur shqetësimin e saj jo vetëm për tonet jo diplomatike të kryeministrit Rama, por edhe për deklaratën e Ministrisë së Jashtme shqiptare, e cila sipas Athinës përmbante një qasje agresive, që nuk i shërben uljes së tensioneve. Ambasadori shqiptar i ka tërhequr vëmendjen e Athinës për qëndrimin e Ministrisë së Jashtme greke, që për palën shqiptare konsiderohet si ndërhyrje flagrante dhe pa takt në çështje të brendshme të Shqipërisë, lidhur me Himarën.
