Zëvendës-ministrat në Ministrinë e Financave që u takojnë dy partive të koalicionit qeveritar, PDK-LDK, kanë paraqitur mendime krejtësisht të ndryshme rreth parashikimeve, ndarjes dhe planifikimit të buxhetit për vitin e ardhshëm. Për zëvendësministrin e Financave nga radhët e Partisë Demokratike, Isni Kilaj, ky projektbuxhet është i fryrë në formë artificiale. Kurse, për zëvendësministrin e Financave nga Lidhja Demokratike, Agim Krasniqi, projektbuxheti është real dhe i dakorduar sipas standardeve të Fondit Monetar Ndërkombëtar. Isni Kilaj thotë se rritja e buxhetit mbështetet në mjetet e Agjencisë Kosovare të Privatizimit, pastaj në burimet e huamarrjes së jashtme dhe në Letrat më Vlerë. Sipas tij, planifikimi buxhetor është bërë mbi gabime, pasi që mjetet e Agjencisë Kosovare të Privatizimit nuk mund të barten, për shkak se nuk ka bazë ligjore.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …