Organizuar nga Oda Ekonomike Amerikane në Kosovë, u mbajt tryeza me temë “Eksportet e Kosovës, mundësitë dhe pengesat”. Biznesmenët që morën pjesë në këtë takim theksuan se prodhuesit e Kosovës po ende po përballen me mallra të importuara dhe pengesa për eksportimin e prodhimeve të tyre. Ata shtuan më tutje se raporti në mes të eksportit dhe importit vazhdon të jetë në disfavor të prodhuesve të Kosovës. Udhëheqësja e Departamentit për Tregti në Ministrinë e Tregtisë dhe Industrisë, Sytrime Dervisholli tha se fatkeqësisht në vitet e fundit Shqipëria ka parashtruar pengesa për bizneset e Kosovës ndërsa pengesat që vijnë nga Serbia janë edhe më të mëdha. Ndërkohë, drejtori i Odës Amerikane Arian Zeka theksoi se bilanci negativ tregtar tregon më së miri gjendjen e vështirë të bizneseve. Pjesëmarrësit në takim thanë se institucionet e Kosovës duhet të përkrahin më shumë prodhuesit vendor duke mundësuar pjesëmarrje nëpër panaire të ndryshme dhe që nëpër vende të Bashkimit Evropian të ketë atashe ekonomik.
Kontrolloni gjithashtu
Ulutash: Aleatët dhe partnerët e NATO-s mbështesin përpjekjet e KFOR-it për sigurimin e mjedisit të sigurt në Kosovë
Komandanti i forcave paqeruajtëse të KFOR-it në Kosovë, gjenerali turk, Ozkan Ulutash, ka deklaruar se …