Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri Mustafa, pas mbledhjes së kabinetit qeveritar ka propozuar krijimin e një komisioni ku do të përfshihej edhe opozita. Komisioni do të verifikonte nëse Marrëveshja e demarkacionit me Malin e Zi ia tkurr territorin vendit. Opozita është deklaruar kundër pjesëmarrjes në të. Propozimin Mustafa e ka dhënë në mbledhjen e kabinetit qeveritar, tek ka folur për pjesëmarrjen e tij në takimin e Këshillit për Stabilizim-Asocim. Ka thënë se gjatë diskutimit, atje është shprehur interesim shumë i madh, edhe i palës kosovare e edhe i autoriteteve të Bashkimit Evropian, lidhur me përmbylljen e procesit të liberalizimit të vizave. Dhe, për ta përmbyllur atë, ka thënë të jetë kërkesë themelore ratifikimi i Marrëveshjes së demarkacionit.
