Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, ka filluar vizitën zyrtare në Turqi, duke vënë kurorë lulesh në Mauzoleun e Qemal Ataturkut, në Ankara, ku edhe u nënshkrua në Librin e Kujtimeve. Ai i ka filluar vizitat zyrtare me takime të ndara me kryetarin e Parlamentit turk, İsmail Kahraman, dhe me kryeministrin, Binali Jıldırım. Me kryekuvendarin turk, Thaçi ka biseduar për marrëdhëniet e mira mes Kosovës dhe Turqisë dhe për mundësitë e bashkëpunimit ndërparlamentar. Thaçi u shpreh se Kosova është mirënjohëse që Turqia ka qenë ndër vendet e para që ka njohur pavarësinë, që në ditën kur Kosova ka shpallur atë si dhe përkrahjen e vazhdueshme për sigurimin e njohjeve të reja dhe anëtarësimin në organizata ndërkombëtare, thuhet mes tjerash në njoftimin e Presidencës.
