Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Profesoresha e mirënjohur e Universitetit të Athinës, Maria Efthimiu ka folur për historinë e arvanitasve që jetojnë dhe kanë jetuar në Greqi. Ajo thotë që një pjesë e mirë e Greqisë së sotme në fillim të shekullit të kaluar ka folur shqip. Pjesa më e madhe e Atikës, Patra dhe krahinat e saj, Korinti, Eubea, ishulli Specas, Çamëria etj, janë ndër rajonet e Greqisë ku në të kaluarën është folur shqip. Në Greqi aktualisht jeton një numër i madh arvanitasish, por që janë ortodoks. Ajo thotë që kur u bë marrëveshja për shkëmbimin e popullsisë mes Turqisë dhe Greqisë, arvanitët mysliman shkuan në Turqi si turq dhe jo si arvanitas. “Kosova e cila përbëhet nga shqiptarë ka qenë rajoni jugor i ish-Jugosllavisë ndërsa tashmë është e pavarur dhe më vonë do të bashkohet me Shqipërinë, jam e sigurt për këtë, madje edhe mund të hedh firmën që kjo do bëhet. Shqipëria, Kosova dhe Maqedonia do të bashkohen një ditë, të shpresojmë të jetojmë e ta shohim që kjo të realizohet,” thotë profesoresha e Athinës, Maria Efthimiu.
