Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputetja e Kuvendit të Kosovës nga radhët e Aleancës për Ardhmërinë e Kosovës, Time Kadrijaj, ka thënë se është shumë vështirë të sigurohen dy të tretat e votave në Kuvend për ratifikimin e versionit aktual të demarkacionit me Malin e Zi. Në një intervistë për gazetën “Epoka e re”, ajo ka bërë me dije se edhe brenda PDK-së dhe LDK-së ka deputetë të cilët do të votojnë kundër kësaj marrëveshje. “Duke u bazuar në deklarimet e mëhershme të deputetëve, mendoj se do të jetë vështirë të arrihen dy të tretat e votave për ratifikimin e kësaj marrëveshje. Megjithatë, vendimi u takon deputetëve të Kuvendit që të vendosin për këtë çështje, pra është përgjegjësi e tyre”, ka thënë ajo. Kadrijaj, e cila është edhe zëvendëskryetare e parë e Komisionit për Punë të Jashtme, Diasporë dhe Investime Strategjike, ka theksuar se Kosova nuk duhet të bëjë kompromise, për shkak të liberalizmit të vizave, të japë tokë.
