Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ngërçi i përsëritur politik në Kosovë rreth konstituimit të Kuvendit ka rikthyer sërish në qendër të vëmendjes Gjykatën Kushtetuese, ndërsa afati 30-ditor i përcaktuar për këtë proces ka skaduar pa u arritur një marrëveshje mes partive politike. Kjo situatë, e ngjashme me krizat e kaluara kur kjo gjykatë nxori disa aktgjykime radhazi rreth seancave parlamentare, ngre pikëpyetjen nëse institucioni i drejtësisë mund të ofrojë një rrugëdalje apo nëse përgjegjësia mbetet ekskluzivisht në duart e deputetëve. Kuvendi nuk e ka përmbyllur konstituimin e nisur më 6 gusht, pasi Lëvizja Vetëvendosje kërkoi kohë shtesë për konsensus politik, ndërkohë që afati prej 30 ditësh nga certifikimi i rezultatit të zgjedhjeve përfundoi pa u përcaktuar qartë pasojat juridike nëse ky afat tejkalohet. Përpjekjet e mëparshme për të marrë një sqarim nga Kushtetuesja mbeten në një zonë gri pasi kërkesa e dikurshme e ish-presidentes Vjosa Osmani u tërhoq, megjithëse rregullorja lejon vazhdimin e shqyrtimit kur bëhet fjalë për interesin publik.
