Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Aleanca për Ardhmërinë e Kosovës, departamenti për diasporën, konsideron se krijimi i Ministrisë së Shtetit për shqiptarët jashtë Shtetit dhe emërimi në krye të saj i ish-kryeministrit të Shqipërisë, Pandeli Majko, e ka kompletuar si asnjëherë më parë qeverinë shqiptare të prezantuar nga Kryeministri, Edi Rama. “Çështjet shqiptare në rajon, diaspora shqiptare, me një fjalë të gjithë shqiptarët ku do që jetojnë, tani e kanë edhe ministrinë e tyre si zë i fuqishëm i adresimit të problemeve të ndryshme. Besojmë se edhe përvoja dhe njohja me problematikën shqiptare e Ministrit të Shtetit për Diasporën z. Pandeli Majko, është një emërim i qëlluar dhe dashamirës që në fillim të kësaj ministrie”, thuhet në komunikatën e Departamentit të Diasporës së AAK-së. Sipas tyre Ministria e Shtetit për Diasporë do të jetë zë dhe përkrahës i fuqishëm i shqiptarëve në botë.
