KEK
Fillimi / Institucionet / Abdixhiku: Reduktimi i qarkullimit publik ka përmirësuar cilësinë e ajrit për 50 për qind

Abdixhiku: Reduktimi i qarkullimit publik ka përmirësuar cilësinë e ajrit për 50 për qind

Ministri në detyrë i Infrastrukturës dhe Ambientit, Lumir Abdixhiku ka njoftuar se cilësia e ajrit në Kosovë është përmirësuar për 50 për qind.

Ai me anë të një shkrimi në Facebook ka thënë se kjo ka ardhur si rezultat i reduktimit të qarkullimit publik, nga ndalesat e bëra nga Qeveria e Kosovës pas përhapjes së pandemisë së Coronavirusit në vend.

“Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50 për qind”, ka shkruar ai.

Shkrimi i plotë

E në gjithë këtë krizë, megjithatë, ka një lajm të mirë. Si rezultat i reduktimit drastik të qarkullimit e aktivitetit publik, cilësia e ajrit nëpër qytetet tona është përmirësuar rrënjësisht, Përqendrimet e Dioksidit të Azotit (NO2) kanë rënë për plot 50%.

Këto janë të dhënat që morra sot nga Agjencioni për Mbrojtjen e Mjedisit dhe Instituti Hidrometeorlogjik; të dyja trupa në kuadër të Ministrisë.

Rrini në shtëpi. Edhe pak.

Kur të dalim, të mendojmë seriozisht për transformim rrënjësor të transportit publik.

Kontrolloni gjithashtu

Nxënësit e SHMTP “Jonuz Zejnullahu” fitues të vendit të parë në projektin “Sfida Kreative”

Nxënësit e Shkollës së Mesme Teknike Profesionale “Jonuz Zejnullahu”, janë fitues të vendit të parë ...