Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në videon e re që ka prezantuar kryetari i Ferizajt, Agim Aliu, kandidat edhe për një mandat tjetër për kryetar ka projektin e radhës për nënkalimin e ri modern për vetura dhe këmbësorë, të cilin ai premton ta realizojë gjatë mandatit të ri në këtë post. Ky nënkalim, i cili do të ndërtohet para stacionit të policisë dhe do ta lidhë atë me qendrën e qytetit, përkatësisht do të shtrihet deri te teatri dhe qendra inovative në Ferizaj, do të ketë dy nënkalime për këmbësorë, rrethrrotullimin e nëndheshëm për vetura dhe një plato, e cila do të lidhet me bulevardin që tashmë po ndërtohet afër shkollave të mesme që ndodhen në këtë zonë të qytetit. Një amfiteatër, që do të jetë pjesë e këtij projekti, bashkë me infrastrukturën përcjellëse dhe pjesën e gjelbërimit që do ta zbukurojë atë, do ta bëjnë këtë projekt, të jetë jo vetëm i nevojshëm dhe funksional, por edhe model të ri të transformimit urban dhe infrastrukturor të Ferizajt – premton Kryetari i Ferizajt, Agim Aliu.
