Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëri i Amerikës njofton se Agjencia Ndërkombëtare e Energjisë Atomike ka paralajmëruar për një kërcënim të mundshëm bërthamor, për shkak të rritjes së intensitetit të luftimeve pranë centralit më të madh bërthamor në Evropës, i cili ndodhet në Ukrainë. Të shtunën forcat ukrainase vazhduan të bëjnë përpara me kundërsulmin e tyre me synimin për të zmbrapsur edhe më tej trupat ruse. Agjencia e Kombeve të Bashkuara tha se ekspertët e saj që ndodhen në centralin e Zaporizhias, të pushtuar nga Rusia, njoftuan se kishin dëgjuar shpërthime të shumta gjatë javës së kaluar, një tregues për rritjen e aktivitetit ushtarak në këtë zonë. Por zyrtarët nuk kanë njoftuar për dëmtime në impiant. Agjencia ka shprehur vazhdimisht shqetësimin se luftimet mund të shkaktojnë një rrjedhje të mundshme rrezatimi nga objekti, i cili është një nga 10 stacionet më të mëdha bërthamore në botë” ka njoftuar Zëri i Amerikës.
