Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetarja e Kuvendit të Kosovës, Albulena Haxhiu, ia ka përcjellë Qeverisë për mendim projektligjin e propozuar nga Partia Demokratike e Kosovës për ndryshimin dhe plotësimin e Ligjit për Dhomat e Specializuara. Haxhiu e ka adresuar projektligjin në Qeveri të mërkurën, duke i hapur rrugë marrjes së qëndrimit zyrtar të ekzekutivit për përmbajtjen e tij. Procedimi është bërë në bazë të Rregullores së re të Punës së Kuvendit, e cila i mundëson kryetarit të Kuvendit t’ia përcjellë Qeverisë një nismë ligjore për mendim edhe pa kaluar paraprakisht në Kryesi. Qeveria ka 30 ditë nga pranimi i projektligjit për të paraqitur mendimin me shkrim. Nëse ky afat kalon pa u dorëzuar përgjigjja, projektligji mund të vazhdojë procedimin në Kuvend.
