Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Valon Murati ka kritikuar ashpër një pjesë të përmbledhjes së aktgjykimit të 16 shtatorit ndaj katër ish-krerëve të UÇK-së, ku thuhet se një nga objektivat e tyre ishte pavarësia e Kosovës, ndërsa trupi gjykues nuk e pa të nevojshme të përcaktonte nëse ky objektiv ishte i ligjshëm apo kriminal. Murati e konsideron këtë formulim problematik, duke pyetur pse një gjykatë e Kosovës do ta trajtonte si çështje të hapur ligjshmërinë e pavarësisë, për të cilën, siç thekson ai, ekziston edhe opinioni i Gjykatës Ndërkombëtare të Drejtësisë. Sipas tij, duke e shkëputur veprimtarinë e UÇK-së nga konteksti i Kosovës së pushtuar nga Serbia, gjykata rrezikon ta paraqesë luftën çlirimtare vetëm përmes pretendimeve për kontroll politik. Një tjetër kritikë e Muratit lidhet me faktin se, sipas tij, Gjykata Speciale nuk e ka trajtuar Serbinë si pushtuese të Kosovës, ndërkohë që po shqyrton veprimtarinë e udhëheqjes së UÇK-së. Për Muratin, kjo qasje e Gjykatës Speciale e relativizon jo vetëm karakterin e luftës çlirimtare, por edhe lidhjen e saj me rezultatin përfundimtar të luftës – pavarësinë e Kosovës – duke e bërë atë, sipas tij, një institucion me karakter politik.
