Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Tre ish-kryetarët e Shqipërisë, Alfred Moisiu, Rexhep Meidani e Bamir Topi si dhe ish-kryeministri Pandeli Majko, javën e ardhshme do t’i vizitojnë ish-krerët e UÇK-së, në Hagë. Vizita e tyre është parashikuar që të realizohet me 29 shtator. Ish-drejtuesit e shtetit shqiptar pritet të zhvillojnë takime me ish-kryetarin Hashim Thaçi, ish-kryeparlamentarët, Kadri Veseli e Jakup Krasniqi, deputetin Rexhep Selimi dhe të tjerët, që po mbahen në paraburgim nga Gjykata Speciale në Hagë. Po ashtu, mësohet se nga Kosova, këtij delegacioni të ish-kryetarëve do t’i bashkohet edhe Behxhet Pacolli, ish-president, ish-ministër i Jashtëm dhe zëvendëskryeministër i Kosovës. Kjo vizitë do të jetë ndër më të rëndësishmet, pas asaj të kryeministrit Edi Rama dhe kohë më parë edhe e krerëve fetarë të Kosovës.
