Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Turqisë, Rexhep Tajip Erdogan, i cili kishte urdhëruar që ambasadorët e dhjetë vendeve, ku përfshiheshin edhe Amerika e Gjermania të shpallen “persona non grata”, pasi e kërkuan lirimin e një të akuzuari për pjesëmarrje në puçin ushtarak para pesë viteve në Turqi. Pasi Erdogan u dha urdhër me afat të caktuar, ambasadorët lëshuan pe dhe u tërhoqën nga deklarata duke pranuar se ishin ngutur. “Qëllimi ynë kurrë nuk është që të krijojmë kriza, është që t’i mbrojmë të drejtat, ligjet, ta nderojmë sovranitetin e vendit tonë”, tha Erdogani në një fjalim të transmetuar në televizion pas një takimi të kabinetit qeveritar.
“Me një deklaratë të re të bërë nga ambasadat e njëjta sot, është bërë një hap prapa nga kjo shpifje kundër vendit dhe kombit tonë. Besoj se këta ambasadorë do të jenë më të kujdesshëm në deklaratat e tyre sa u përket të drejtave sovrane të Turqisë”, shtoi ai. Pas mbledhjes së qeverisë turke të hënën, disa ambasada dolën me nga një deklaratë të shkurtër. Ambasada e Shteteve të Bashkuara shkroi: “Shtetet e Bashkuara theksojnë se e vazhdojnë pajtueshmërinë me Nenin 41 të Konventës së Vjenës për Raporte Diplomatike”. Ambasadat tjera publikuan mesazhe të ngjashme ose e ripublikuan postimin e ambasadës amerikane.
Disa jugo-medie në raportojnë se gjoja Turqia është tërhequr nga urdhri për shpalljen non grata të ambasadorëve të dhjetë vendeve, të cilat edhe tani përkrahin puçin e dështuar ushtarak në Turqi, pesë vjet më parë.
