Ambasadorja amerikane në NATO, komenton zërat për emërimin e Milo Gjukanoviqit, si zëvendës-sekretar i përgjithshëm

Ambasadorja amerikane në NATO, Xhulianne Smith, reagoi ndaj raportimeve se ish-lideri i Malit të Zi, Milo Gjukanoviq, mund të jetë zëvendëssekretari i ri i përgjithshëm i Aleancës Veriatlantike. Ajo theksoi se zgjedhja e Sekretarit të Përgjithshëm të NATO-s kërkon konsensus të të gjitha 32 vendeve anëtare dhe se ky proces është aktualisht në fokus. “Jemi duke punuar për zgjedhjen e sekretarit të ri të përgjithshëm, një proces që kërkon konsensus nga të gjitha vendet anëtare. Pasi të zgjidhet sekretari i ri, ai do të vendosë se kush do të jetë zëvendësi i tij,” tha Smith. Faqja zyrtare e qeverisë amerikane raporton se Smith është optimiste që anëtarët e NATO-s do të arrijnë një marrëveshje për një sekretar të ri të përgjithshëm në samitin që do të mbahet në Uashington në korrik të këtij viti.

Kontrolloni gjithashtu

DW: Pasivizimi i dokumenteve në administratë shtetërore të Serbisë, ka prekur mijëra shqiptarë etnikë në Kosovën Lindore

Pasivizimi i dokumenteve në  administratë shtetërore të Serbisë  ka prekur mijëra shqiptarë etnikë në Kosovën …