Antonello De Riu: Kosovës mund t’i liberalizohen vizat gjatë presidencës çeke

Ambasadori i Italisë në Kosovë, Antonello De Riu ka shfaqur shpresën e tij se Kosovës mund t’i liberalizohen vizat gjatë presidencës çeke. Gjatë intervistës për “Kosovapress” ai ka thënë se Italia mbështet fuqishëm largimin e regjimit të vizave për qytetarët e Kosovës. “Qëndrimi i Italisë për liberalizimin e vizave është i qartë që nga fillimi. Italia përkrahë liberalizimin e vizave edhe ngase Kosova ka mbet i vetmi vend i Ballkanit Perëndimor që i nënshtrohet kësaj disipline. Qytetarët kosovarë e njohin edhe natyrën e procedurave brenda BE-së, por sigurisht e dinë se Italia do të vazhdojë të mbështesë qëndrimin e Kosovës me partnerët evropian, duke u munduar që t’i bindë partnerët e fundit të cilët ende s’kanë marrë një vendim sa i përket kësaj. Shpresojmë se me presidencën çeke, do të mund të jepet një hap i parë i rëndësishëm për të nisur këtë proces, fatkeqësisht deri tash të bllokuar”, ka theksuar, ambasadori i Italisë në vendin tonë, Antonello De Riu.

Kontrolloni gjithashtu

Komisioni për Politikë dhe Demokraci i Asamblesë Parlamentare të Këshillit të Evropës miraton raportin për kërkesën e anëtarësimit të Kosovës

Asambleja Parlamentare e Këshillit të Evropës ka shënuar një hap të rëndësishëm në procesin e …