Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Grupit Parlamentar të LDK-së, Arben Gashi ka thënë se qeverisja e Albin Kurtit po shkon drejt fundit dhe qytetarët duhet të jenë të përgatitur për zgjedhje të reja. I pyetur nga gazetarët për datën e mundshme të zgjedhjeve, ka thënë se kjo varet nga vendimmarrja e kryeministrit, por kryeministri aktual është në një situatë paaftësie vendimmarrëse. Gashi, gjithashtu ka komentuar rolin e opozitës, duke thënë se edhe pse opozita ka numra dhe përkrahje, ende nuk ka arritur të mobilizojë mjaftueshëm për të shkarkuar qeverinë. Ai vlerësoi se është detyrim i tyre të japin mundësi qytetarëve për të gjetur një zgjidhje, duke thënë se Kurti duhet të dorëhiqet dhe pastaj ata do të shpërndajnë Kuvendin me 2/3 shumicën. Ata nuk do të marrin mandat qeverisës pa zgjedhje dhe janë gati të mbështesin një mocion për të shpërndarë Kuvendin saktësoi, Arben Gashi.
