Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Prokuroria Speciale e Kosovës ka njoftuar arrestimin e M.D, një shtetas serb, nën dyshimet për krime lufte të kryera gjatë vitit 1998-1999 në komunën e Zveçanit. Arrestimi i tij u realizua pas një hetimi disa mujor, i udhëhequr nga prokurorja speciale Florije Salihu-Shamolli dhe Hetuesit e Krimeve të Luftës. Sipas hetimeve, M.D. dyshohet të ketë qenë komandant i Njësisë së Policisë në këtë rajon, ku ka marrë pjesë në vrasje, dëbim, plaçkitje, torturë dhe rrahje të civilëve shqiptarë. Në veçanti, ai dyshohet të ketë marrë pjesë në operacionin e prillit të vitit 1999 në fshatin Zhazhë, ku u vranë shtatë civilë shqiptarë. Trupat e viktimave u gjetën pas luftës në varrezat e fshatit Suhodoll, në komunën e Mitrovicës. Prokuroria ka njoftuar se do të kërkojë caktimin e masës së paraburgimit për M.D. në Gjykatën Themelore të Prishtinës, Departamenti Special.
