Asambleja Parlamentare e Këshillit të Evropës ka votuar pro anëtarësimit të Kosovës në këtë organizatë. Për t’u miratuar nga Asambleja Parlamentare e Këshillit të Evropës duheshin një shumicë prej 2/3 të votave të anëtarëve të pranishëm në mbledhje. Pas votimit të Asamblesë Parlamentare atëherë çështja kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës. Takimi i radhës i Këshillit të Ministrave do të zhvillohet në mesin e muajit maj të këtij viti.
![](https://www.radiokosovaelire.com/wp-content/uploads/Asambleja-Parlamentare-e-Keshillit-te-Evropes-ka-votuar-pro-anetaresimit-te-Kosoves-ne-kete-organizate.-660x330.jpg)