Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ashtu sikur mijëra qytetarë anekënd viseve të ndryshme shqiptare, edhe autoritetet më të larta të vendit, kanë bërë homazhe në Prekaz. Duke folur për rolin dhe rëndësinë e luftës heroike të familjes Jashari dhe Ushtrisë Çlirimtare të Kosovës për çlirimin e vendit, kryeministri, theksoi se ajo ishte luftë mbrojtëse dhe ky fakt nuk mund të tjetërsohet asnjëherë. “Erdhëm sot këtu në 24 vjetorin e flijimit të tre brezave të familjes Jashari të cilët u sakrifikuan për lirinë e Kosovës, e bashkuan popullin dhe i dhanë hovin vendimtar Ushtrisë Çlirimtare të Kosovës. Ky nuk ishte sulmi i parë ndaj Jashrajave, ata ishin sulmuar nga Serbia që udhëhiqej nga regjimi i Millosheviqit edhe në dhjetor të viti 1991 dhe janar të vitit 1998, dhe të gjitha këto sulme ndaj Jashrajave ishin ndërmarrje e përbashkët kriminale e Serbisë, UÇK ka bërë luftë mbrojtëse dhe drejtësia dhe e vërteta jonë nuk mund të tjetërsohen as nga deformimet që vijnë e as nga mohimet që bëhen”, tha në mes tjerash, kryeministri.
