Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Komunave të Kosovës ka njoftuar se Bordi i këtij asociacioni ka vizituar komunat e prekura nga vërshimet. Pasi kanë parë nga afër dëmet e shkaktuara nga vërshimet, Asociacioni i Komunave të Kosovës ka kërkuar nga Qeveria duhet t’u mundësojë Komunave një Fond Emergjent. “Delegacioni i Bordit të Asociacionit të Komunave të Kosovës në përbërje z.Agim Aliu – Kryetar, z.Imri Ahmeti – Nënkryetar, z.Bali Muharremaj – Anëtar dhe z.Sazan Ibrahimi – Drejtor Ekzekutiv kanë vizituar sot Komunën e Skenderajit ku janë pritur nga Kryetari z.Faruk Nura. Kjo vizitë u bë për të parë nga afër situatën pas vërshimeve nga të reshurat dhe për t’u solidarizuar me qytetarët e zonave të prekura nga kjo fatkeqësi natyrore. Poashtu delegacioni i Bordit të AKK-së me këtë rast shprehu solidarizim me gjitha zonat e prekura nga vërshimet në komunën e Skenderajit, Istogut, Mitrovicës, Klinës, Podujevës dhe zonat tjera të cilat u prekën nga të reshurat e shiut” thuhet në komunikatën e Asociacionit të Komunave të Kosovës.
