Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Asociacioni i Komunave të Kosovës ka mbajtur Kuvendin e Përgjithshëm Vjetor, ku morën pjesë 65 delegatë nga komunat e Republikës së Kosovës dhe kryetarët e komunave ku u bisedua për të arriturat, problemet dhe sfidat e komunave. Gjatë fjalës para të pranishmëve, kryetari i Komunës së Mitrovicës, Agim Bahtiri theksoi se Për Kuvendin e Komunës së Mitrovicës dhe qytetarët emërtimi i ri Mitrovica Jugore është i papranueshëm. Problemet rreth emërtimit janë pasojë e formimit të komunës së re në veri të Mitrovicës. “Qytetarët nuk pranojnë emërtim të ri të komunës legjitime. Edhe për Kuvendin e Komunës së Mitrovicës emërtimi i ri-Mitrovica Jugore, është i papranueshëm. Ne kërkojmë që edhe në të ardhmen të mbetet emërtimi i deritashëm-Mitrovica. Kryetari Bahtiri kërkoj nga Asociacioni i Komunave të Kosovës që të mbështesë në mënyrë të veçantë komunën e Mitrovicës, pasi ajo ka probleme të shumta që nuk i kanë komunat tjera.
