Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Rusia si pjesë e dialogut midis Kosovës dhe Serbisë nuk është shuar asnjëherë si ide në Kremlin, por është përfolur herë më pak e herë më shumë. Ngritja e këtij diskutimi ditët e fundit ka ardhur pas propozimit të ambasadorit rus në Beograd, Aleksandër Bothan Kharachenko, për përfshirjen e Moskës në dialogun Kosovë – Serbi. Sipas Kharchenko, Rusia do t’i përfaqësonte interesat e Beogradit në dialog, ndërsa një propozim dhe ide e tillë nuk është kundërshtuar menjëherë as nga Bashkimi Evropian e as nga Shtetet e Bashkuara të Amerikës. Qëndrimi i Bashkimit Evropian dhe i Shteteve të Bashkuara të Amerikës është pothuajse i njëjtë karshi Rusisë, që të dyja tentojnë ta minimizojnë mundësinë e ndërhyrjes së Rusisë në Ballkanin Perëndimor por, si duket, të dyja ndajnë qëndrimin e njëjtë edhe sa i përket përfshirjes së Rusisë në dialogun Kosovë – Serbi.
