Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati i Partisë Demokratike të Kosovës, Bedri Hamza, mbajti një konferencë për media ku kritikoi procesin e numërimit të votave, duke theksuar se ai po i zbeh zgjedhjet dhe po krijon pasiguri për rezultatet përfundimtare. Hamza ka theksuar se është e preferueshme për të krijimi i një qeverie të re në bashkëpunim me LDK, dhe partitë tjera. Ai ka deklaruar se gjatë fushatës zgjedhore e ka bërë të qartë se është kundër “vijave të kuqe” për bashkëpunim me partitë e tjera, duke theksuar se nuk ka asnjë barrierë për të biseduar me asnjë parti politike ose politikan. Hamza shtoi se është i gatshëm të flasë me të gjithë dhe të zhvillojë bisedime me LDK-në, Aleancën, NISMA-n, dhe parti të tjera për formimin e institucioneve të reja. Jam i gatshëm me të gjithë të bisedoj. Ende nuk kemi arritur në fazën se si do të duket qeveria, por kur të vijë radha, do të jem shumë i përgjegjshëm dhe i përkushtuar që t’i japim vendit institucione të funksionuara,” tha Hamza.
