Kandidati i PDK-së për kryetar të Mitrovicës, Bedri Hamza, sonte ka takuar banorët e lagjes Bair të Mitrovicës. Ai u ka premtuar atyre përmirësimin e infrastrukturës rrugore dhe jetësore. “Një takim shumë miqësor me banorët e lagjes Bair, ku bashkëbiseduam për problemet dhe brengat e tyre. Në këtë pjesë të Mitrovicës do ta ndërtojmë shtegun e biçikletave dhe do ta rregullojmë ndriçimin publik gjithandej lagjes, duke përmirësuar njëherësh edhe infrastrukturën rrugore. Në pjesën e epërme të lagjes Bair do ta ndërtojmë edhe një çerdhe, e cila do të shërbejë si shtëpi e dytë për fëmijët e vegjël, deri sa prindërit ta përfundojnë orarin e tyre të punës. Qyteti i Mitrovicës, çdo lagje dhe fshat i saj, meriton kujdes më të madh nga qeverisja komunale. Bashkë për një jetë më të mirë. Bashkë për Mitrovicën!”, ka shkruar Hamza.
Kontrolloni gjithashtu
DASh, është shprehur i zhgënjyer pasi dy persona të sanksionuar nga ShBA janë propozuar për të qenë pjesë e qeverisë së re në Serbi
Departamenti Amerikan i Shtetit ka bërë e ditur se pozicioni i tyre për ish-shefin e …