Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Behgjet Pacolli ka njoftuar se Gjykata e Shkallës së Parë të Juridiksionit të Përgjithshëm Tiranë ka vendosur të heqë masat kufizuese ndaj administrimit të shoqërisë VIA, të cilat, sipas tij, ishin vendosur në kundërshtim me ligjin. Në një reagim të publikuar në rrjetet sociale, Pacolli bëri të ditur se gjykata ka zëvendësuar masën e sigurimit të datës 5 qershor 2026, duke hequr çdo kufizim për administrimin e shoqërisë nga ortaku mazhoritar, MABCO. Sipas tij, gjatë arsyetimit të vendimit, gjykata është mbështetur edhe në një vendim të mëhershëm të Gjykata e Lartë e Shqipërisë, i cili, sipas Pacollit, i kishte rikthyer MABCO-s të drejtën për administrimin e shoqërisë dhe ushtrimin e të drejtave që burojnë nga kuota e saj. Pacolli pretendoi se masat e mëparshme kishin bllokuar mbajtjen e Asamblesë së VIA-s dhe kishin shkaktuar dëme të konsiderueshme, përfshirë vonesa në punimet e aeroportit dhe pengimin e nënkontraktorëve të MABCO-s për të vijuar punën në kantier. Ai shtoi se, sipas vendimeve të deritanishme gjyqësore, masat e sigurimit të vendosura më herët ndaj MABCO-s kanë rezultuar të paligjshme dhe kanë penguar procesin e hapjes së aeroportit. “Nga sot, asnjë masë apo vendim gjyqësor nuk ka më fuqi kundër shoqërisë sonë. Ne duam të angazhohemi sa më parë për të hapur aeroportin, për të mirën e Shqipërisë dhe të shqiptarëve”, ka deklaruar Pacolli.
