Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Kryetari i Skenderajt, Bekim Jashari i ka nderuar sot dëshmorët e kombit Afrim Gashi, Mustafë Geci e Zenel Mziu në 23 vjetorin e rënies heroike të tyre në altarin e lirisë. Ai ka thënë së se e kemi obligim moral e institucional jetësimin e amanetit të dëshmorëve. “23 vite nga rënia heroike e dëshmorëve të Lirisë, Afrim Gashi, Mustafë Geci e Zenel Mziu, të cilët ranë në shërbim të vendit për të mos vdekur kurrë. Sot, bashkë më Shoqatat e Dala nga Lufta e UÇK-së, drejtorë, asamblistë e familjarë të dëshmorëve, vendosem lule e bëmë homazhe tek varri i secilit prej tyre në Kompleksin Memorial të Dëshmorëve në Marinë. Me këtë rast para të pranishmëve deklarova që kemi obligim moral e institucional, duke qenë të bashkuar të punojmë në jetësimin e amanetit të të rënëve tonë, për të pasur mirëqenie për të gjithë. Sot po ashtu kujtojmë e nderojmë luftën e luftëtarit të Lirisë, Sami Geci, për fatin e të cilit nuk dihet asgjë tash e 23 vite. Lavdi dëshmorëve Afrim Gashi, Mustafë Geci, Zenel Mziu dhe gjithë dëshmorëve e martirëve të Lirisë!”, ka shkruar Jashari.
