Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Shefi i politikës së jashtme të Bashkimit Evropian, Josep Borrell, ka deklaruar se BE-ja duhet ta mbajë të gjithë rajonin e Ballkanit Perëndimor në rrugën evropiane. Gjatë fjalës para të pranishmëve në forumin e Dubrovnikut ai theksoi më tutje se Bashkimi Evropian është kombinimi më i mirë i lirive politike dhe i përparimit ekonomik, si dhe i solidaritetit shoqëror në botë. Ne nuk jemi të përsosur, por jemi më të mirët, prandaj duhet të vazhdojmë me të gjithë ata që e ndajnë vizionin tonë. Kjo do të thotë të ruajmë vëmendjen në Ballkanin Perëndimor, duke përfshirë ringjalljen e dialogut midis Serbisë dhe Kosovës. Shefi i politikës së jashtme të Bashkimit Evropian, Josep Borrell shtoi më tutje se dalja nga pandemia e koronavirusit duket në horizont por pasojat e pandemisë do të jetë një botë gjithnjë e më e pasigurt, më pak e barabartë dhe më pak e lirë. Pabarazia do të jetë e dukshme jo vetëm midis vendeve, por edhe brenda secilit vend individual.
