Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kosova dhe Bashkimi Evropian kanë mbajtur në Prishtinë takimin e shtatë të Komitetit të Stabilizim-Asociimit, ku u shqyrtuan zhvillimet politike, ekonomike dhe progresi në zbatimin e reformave që lidhen me integrimin evropian. Takimi u bashkë kryesua nga kryenegociatori i Kosovës me BE-në, Jeton Zulfaj, dhe Drejtoresha për Ballkanin Perëndimor në Komisionin Evropian, Valentina Superti. Palët diskutuan për përmbushjen e obligimeve që rrjedhin nga Marrëveshja e Stabilizim-Asociimit, si dhe për përafrimin me legjislacionin dhe standardet e BE-së. Bashkimi Evropian vlerësoi progresin e arritur në disa fusha, por theksoi se funksionalizimi i plotë i institucioneve mbetet kyç për përshpejtimin e reformave dhe avancimin e procesit integrues. Nga ana tjetër, Qeveria e Kosovës ritheksoi përkushtimin për zbatimin e reformave dhe shfrytëzimin e mundësive që ofron Plani i Rritjes i BE-së për Ballkanin Perëndimor. Të dyja palët u dakorduan të vazhdojnë bashkëpunimin për avancimin e reformave dhe afrimin e mëtejshëm të Kosovës me Bashkimin Evropian.
