Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Daut Haradinaj, ka përkujtuar 27-vjetorin e Masakra e Studimes në Vushtrri, duke e cilësuar atë si një nga dëshmitë më të rënda të krimeve të kryera gjatë luftës në Kosovë. Sipas Haradinajt, në këtë masakër u vranë mizorisht 116 civilë shqiptarë të pafajshëm, një akt që, siç thekson ai, shpërfaq “fytyrën e vërtetë të regjimit kriminal serb”. Ai nënvizoi se këto krime mbeten të gdhendura në kujtesën kolektive të shqiptarëve dhe janë pjesë e pandashme e rrugës së dhimbshme drejt lirisë. Në reagimin e tij publik, Haradinaj deklaroi se historia shqiptare është e shkruar me sakrificë dhe gjak, duke shtuar se nuk do të ketë heshtje përballë krimeve dhe padrejtësive. Ai akuzoi shtetin serb për mosndëshkimin e kriminelëve të luftës dhe për vazhdimin e, siç e quajti ai, mbrojtjes së tyre. “Në përjetësi kujtimi për martirët e Studimes dhe gjithë dëshmorët e martirët e kombit”, ka shkruar Daut Haradinaj, duke bërë thirrje për ruajtjen e kujtesës historike dhe kërkimin e drejtësisë për viktimat.
