Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Disa deputetë të Kuvendit të Kosovës po pajisen me pasaporta të Shqipërisë. Bëhet e ditur se rreth 40 deputetë kanë marrë pasaporta, me të cilat lëvizin lirshëm në vendet e BE-së. Edhe pse qytetarët e vendit tonë vazhdojnë të mos e gëzojnë lirinë e lëvizjes drejt Bashkimit Evropian, deputetët dhe qeveritarët e Kosovës po sigurojnë rrugë alternative për të udhëtuar pa viza. Kjo gjë po u mundësohet këtyre të fundit nëpërmjet Shqipërisë, përmes dekretit për dhënie selektive të shtetësisë shqiptare nga kryetari, Ilir Meta, i cili po vazhdon t’i pajisë me shtetësi shqiptare politikanët e Kosovës. Dihet tashmë se rreth dyzet deputetë të Kuvendit të Kosovës lëvizin pa viza drejt BE-së qoftë me pasaporta të Shqipërisë, të Serbisë, kryesisht deputetët serbë të Kuvendit të Kosovës, si dhe me pasaporta të shteteve të ndryshme perëndimore.
