Një numër qytetarësh iu bashkuan grupit për mbrojtjen e Liqenit të Badovcit, ku në mënyrë vullnetare zhvilluan aksionin për pastrimin e liqenit. Përveç pastrimit, qëllim i këtij aksioni ishte edhe ngritja e vetëdijes së qytetarëve për ruajtjen e ambientit dhe mos hedhjen e mbeturinave rreth liqenit të Badovcit, liqen ky i cili furnizon banorët e Prishtinës me ujë të pijshëm. Nga grupi i vullnetareve, Milot Kurshumlia tha se aksioni për pastrimin e liqenit të Badovcit është organizuar nga vullnetarë, të cilët po shfrytëzojnë rënjen e nivelit të uji në mënyrë që ta pastrojnë në thellësi liqenin. Sipas tij pastrimi i liqenit nuk është organizuar si shenjë pakënaqësie rreth ndërtimeve që priten të fillojnë afër Liqenit të Badovcit, por për një ambient të pastër. Ai u ka bërë thirrje qytetarëve që të ruajnë këtë liqen.
Kontrolloni gjithashtu
25 vjet më parë, më 26 prill, të vitit 1999 nga sulmet serbe me artileri të rëndë ishin vrarë shumë shqiptarë në fshatrat e Dukagjinit
25 vjet më parë, më 26 prill, të vitit 1999 nga sulmet serbe me artileri …