Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ashtu sikur nëpër vende anekënd botës edhe në vendin tonë me anë të aktiviteteve të ndryshme u shënua Dita Botërore e Shëndetësisë. Aktivitetet për të shënuar këtë datë të rëndësishme për shëndetin iu kushtua diabetit. Ekspert të fushës së shëndetësisë theksuan se sëmundja e diabetit po shënon rritje kudo në vendet në zhvillim. Në vendin tonë numri i qytetarëve që trajtohen për shkak të kësaj sëmundje ka arritur në 11 mijë e 242 qytetar. Në konferencën për medie, ministrit të Shëndetësisë, Imet Rrahmani, ju kërkua që të ndryshohet lista e barnave esenciale, duke futur disa barna të cilat nuk janë pjesë e kësaj liste, e për këtë ministri Rrahmani, ka premtuar që shumë shpejtë do të bëjë ndryshimin e kësaj liste. Përfaqësuesi nga Shoqata e Diabetikëve të Prishtinës, Ardian Bublica, ka porositur të gjithë qytetarët që të kenë kujdes me shëndetin, pasi që sëmundja e diabetit është në rritje dhe të gjithë janë të rrezikuar që të preken nga kjo sëmundje.