Doli nga shtypi libri i studiuesit Faton Mehmetaj: “Rapsodët e komunës së Deçanit me rrethinë”

Doli nga shtypi libri i studiuesit Faton Mehmetaj: “Rapsodët e komunës së Deçanit me rrethinë” Botues i këtij libri është Instituti për Studime Gjeopolitike dhe Siguri në Prishtinë. Ky libër është një studim shumë vjeçar i imi mbi folklorin e Komunës së Deçanit me rrethinë duke përfshirë këtu mbi 150 biografi të rapsodëve të kësaj komune, studiuesit e folklorit, historikun e veglave muzikore që i kanë përdorur rapsodët e kësaj treve, historikun e traditës së punimit të veglave muzikore të mjeshtërve të mëdhenj të Komunës së Deçanit me rrethinë, origjinën e disa valleve të vjetra, historikun e këngëve malësorçe, këngët baritore, erotika në bjeshkë e në vërri, këngët e dasmës dhe kanagjegjit, këngët e vajtimit dhe vajtoret, në Komunën e Deçanit me rrethinë. Këtu mund ti gjeni edhe disa vështrime të disa këngëve të vjetra si dhe shqyrtimin analitik të personalitetit të femrës shqiptare dhe kontributin e saj në këngët e kaçakëve dhe historikun e shoqërive kulturo – artistike në Komunën e Deçanit. Në librin Rapsodët e Komunës së Deçanit me rrethinë mund ti gjeni edhe biografitë e rapsodëve të UÇK-së. Në këtë libër janë përshkruar edhe biografitë e disa rapsodëve që janë ekzemplarë unikat në të gjitha trojet shqiptare.

Kontrolloni gjithashtu

RrGK publikon Raportin Analitik “Më shumë zgjedhje përmes politikave miqësore për familjen”  

RrGK reagon për neglizhimin institucional: Këshilli Prokurorial të ndërmarrë masa disiplinore ndaj prokurorëve përkatës 

Rrjeti i Grave të Kosovës (RrGK) reagon për neglizhim institucional, mos hetim të rastit dhe …