Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Dyshimet për punësimin e familjarëve dhe miqve të afërt të kryetarit të Komunës së Shtimes, Qemajl Aliu, dhe zyrtarëve të tjerë komunalë janë ngritur fillimisht nga opozita dhe shoqëria civile. Ky fenomen është shqetësuar pas disa informacioneve që lidhen ngusht me drejtorët dhe vetë kryetarin e komunës, të cilët dyshohen se kanë pasur ndikim në procesin e punësimeve. Kiks Kosova, pas marrjes së këtyre informacioneve, ka nisur një hulumtim për të zbuluar më shumë rreth këtyre dyshimeve dhe për të kërkuar përgjigje për pyetjet e ngritura. Ekipi i Kiksit ka kontaktuar disa zyrtarë dhe të punësuar në komunë, të cilët dyshohen se kanë ndikuar në këto punësime, por nuk ka pasur përgjigje direkte nga vetë kryetari i komunës. Përpjekjet për të kontaktuar kryetarin Aliu kanë qenë të pasuksesshme, ndonëse ai u thirr disa herë. Më pas, ekipi i Kiksit udhëtoi në Shtime për të kërkuar një përgjigje direkte nga ai, por nuk e gjeti kryetarin në vendin e punës.
