Edhe 6 gjoba të reja për hedhjen e mbeturinave në vende të paautorizuara dhe mosrespektimin e orarit

Inspektorati Komunal i Ferizajt po punon me përkushtim të shtuar për identifikimin dhe ndëshkimin e qytetarëve që hedhin mbeturina në vende të paautorizuara, si dhe të atyre që nuk respektojnë orarin e përcaktuar për deponimin e mbeturinave.

Sipas kryeinspektorit Feriz Hyseni, janë shqiptuar gjithsej 6 gjoba të reja në rrugët “Zenel Hajdini”, “Uran Tinova”, “Brigada 161” dhe “Ahmet Hoxha”, si dhe në fshatrat Papaz dhe Balaj.

Inspektorati Komunal u bën thirrje të gjithë qytetarëve që të respektojnë orarin e grumbullimit të mbeturinave dhe të mos i hedhin ato në vende të paautorizuara.

Kontributi i secilit qytetar është i rëndësishëm për një qytet më të pastër dhe më të mirë për të gjithë.

Kontrolloni gjithashtu

Bashkim Ramosaj: Fitore e bukur për hendbollistët e Deçanit!

Fitore e bukur dhe e merituar për hendbollistët e Deçanit! 🔴⚫ Klubi i Hendbollit “Deçani” …