Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë Edi Rama iu ka përgjigjur të gjithë atyre që i përmendën deklaratat kundër kryetarit të ri të Amerikës, Donald Trump. Derisa kishte dalë në një konferencë me ambasadoren e BE-së Romana Vlahutin, për të marrë një lajm të mirë, dorëzimin e progres-raportit të KE, Rama e cilësoi veten një pikë ujë në detin e gjithë deklaratave që janë bërë kundër Trumpit. “Më lejoni t’ju them se jam shprehur kundër për Trumpit si kandidat se më kanë prekur si shqiptar, qytetar dhe kryeministër deklaratat e tij për Kosovën, myslimanët dhe emigrantët. Nuk jam i vetmi, jam një pikë ujë në detin e deklaratave kundër tij. Sot ai është zgjedhur nga populli sovran, dhe ka respektin tim si kryeministër i këtij vendi, për popullin, për presidentin ashtu si edhe në kuadër të miqësisë dhe aleancës strategjike me SHBA që nuk mund të vihen në dyshim”,- sqaroi Rama. Përmes ironisë, Rama dha edhe një mesazh për gjithë politikanët kritikë. Keqardhje për disa agallarë të politikës që janë kaq mendjelehtë sa duket sikur sot janë gati t’i ankohen Presidentit të SHBA për mua, por nuk funksionin kështu bota, SHBA dhe Shqipëria, jo më, tha kryeministri.
