Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryeministri i Shqipërisë, Edi Rama, ka zhvilluar një takim me Jared Kushner dhe Ivanka Trump gjatë qëndrimit të tyre në Vlorë, duke shtuar edhe më shumë vëmendjen rreth vizitës së profilit të lartë amerikan në jug të vendit. Sipas raportimeve, Rama, Ivanka Trump dhe Jared Kushner kanë qëndruar për më shumë se 40 minuta duke konsumuar kafe në një prej restoranteve në Vlorë, në një atmosferë të qetë, por nën masa të shtuara sigurie. Pas takimit, ata janë parë të largohen së bashku me një makinë në drejtim të Orikumit. Vizita është shoqëruar me protokoll të rreptë sigurie, ndërsa më herët gjatë ditës në Vlorë ka mbërritur edhe një tjetër delegacion, për të cilin burimet mediatike raportojnë se mund të ketë qenë një përfaqësues i lartë i Shteteve të Bashkuara të Amerikës. Edhe pse nuk është bërë publik ndonjë njoftim zyrtar për përmbajtjen e bisedimeve, burime pranë takimit bëjnë të ditur se temat e diskutimit lidhen me bashkëpunimin ekonomik dhe investimet e mundshme strategjike në zonën e Vlorës dhe më gjerë. Takimi i Ramës me Kushner dhe Ivanka Trump po shihet si një sinjal i interesit në rritje të aktorëve ndërkombëtarë për zhvillimin turistik dhe ekonomik të bregdetit shqiptar, veçanërisht në një zonë me potencial të lartë si Orikumi dhe rrethi i Vlorës.
