Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Bullgares, Ekaterina Trendafilova i vazhdohet mandati si kryetare e Gjykatës Speciale e emëruar zyrtarisht me eufemizëm si Dhoma të Specializuara në Hagë. Ky vendim u mor ditën e premte nga gjykata, ndërsa mandati i saj aktual përfundon më 15 dhjetor. Kjo është hera e dytë që Trendafilovës i vazhdohet mandati, pasi ajo u emërua për herë të parë kryetare në vitin 2016, një vit pas krijimit të të ashtuquajturave Dhoma të Specializuara të Kosovës. Zyra e Prokurorit të kësaj gjykate heton, sikur thuhet, krimet e pretenduara nga pjesëtarët e Ushtrisë Çlirimtare të Kosovës, kundër pakicave etnike dhe rivalëve politikë gjatë viteve 1998-2000. Trendafilova ka shprehur mirënjohjen për besimin e vazhdueshëm ndaj saj dhe ka theksuar se do të vazhdojnë të zhvillojnë proceset në mënyrë të shpejtë.
