Ekonomia digjitale e vendos Kosovën në konkurrencën globale

23/06/2016 Institucionet

Ministri i Zhvillimit Ekonomik, Blerand Stavileci në vazhdën e vizitave në kompanitë private të fushës të teknologjisë informative, vizitoi kompaninë ZAG Apps, e cila merret me zhvillimin e aplikacioneve për telefona mobilë dhe shërbime tjera online.

Stavileci me këtë rast ka bashkëbiseduar me drejtues të ZAG Apps dhe i ka njoftuar ata me hapat që ka ndërmarrë MZHE, në mënyrë që ky sektorë të ketë trajtim prioritar nga institucionet, duke e vlerësuar atë si një nga mundësitë e mira për zhvillim ekonomik dhe hapjen e vendeve të punës.

Kreu i MZHE-së, rikujtoi se Qeveria e Kosovës në bashkëpunim me mbështetjen e  Bankës Botërore është duke punuar në definimin e Programit të Ekonomisë Digjitale në Kosovë (KODE),  si masë prioritare për periudhën 2016-2018 e përcaktuar në Programin për Reformë Ekonomike të Qeverisë së Kosovës, e cili përveç tjerash, do të mundësojë zhvillimin e bizneseve dixhitale dhe shkathtësive digjitale që do të jenë konkurruese globalisht.

Nga ana e tyre, drejtuesit e ZAG Apps njoftuar Ministrin Stavileci me aktivitetin e kompanisë së tyre dhe sfidat me të cilat ballafaqohen.

Ndryshe, ZAG Apps edhe pse ka pak vite në treg, ka një listë të gjatë të klientëve që u ofron shërbime si: kompani private, institucione qeveritare, universitete dhe kompani ajrore ndërkombëtare, nga SHBA, Kanada, Gjermani dhe Holandë.

Kontrolloni gjithashtu

Kryetari Ekrem Kastrati mbështet aktivitetin shëndetësor “përSHËNDETje” në Malishevë

Në Sheshin e Dëshmorëve u mbajt aktiviteti “përSHËNDETje”, i organizuar nga OJQ “Mundësia” në bashkëpunim …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2025, Të gjitha të drejtat e rezervuara