Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me 5 janar 2024 ndërroi jetë djali i axhes, veterani i arsimit prof. Shefqet I. Hajdari
Profesor Shefqeti njëherit ishte edhe veterani i Ushtrisë Çlirimtare të Kosovës
Varrimi bëhet nesër me datë 6 janar 2024 në orën 14:00 në varrezat e lagjes Hajdari, në fshatin e lindjes në Dritan (Dobroshec) Komuna e Drenasit.
Me dhimbje të thellë dhe nderim të veçantë, Organizata e Veteranëve të Luftës së Ushtrisë Çlirimtare të Kosovës në Drenas (OVL-UÇK) njofton për humbjen e një personaliteti të shquar dhe të nderuar, mësuesit dhe veteranit të UÇK-së Shefqet Hajdari.
Shefqeti ishte një mësues i jashtëzakonshëm, një veteran i pathyeshëm i Luftës së Ushtrisë Çlirimtare të Kosovës dhe një pjesë e pashoq e lëvizjes sonë për liri dhe pavarësi.
Përgjigja e tij e hershme ndaj thirrjes së atdheut dhe kontributi i tij i vazhdueshëm për çështjen kombëtare do të mbeten në historinë tonë si shembull i vlerave të krenarisë dhe guximit.
Në këtë moment të rëndë, OVL-UÇK Drenas, shpreh ngushëllime më të sinqerta familjes Hajdari dhe të gjithë miqve dhe të afërmve të tij.
Gjithë solidariteti ynë është me ta në këtë kohë të vështirë.
Shefqet Hajdari do të kujtohet gjithmonë për kontributin e tij të jashtëzakonshëm dhe për përkushtimin ndaj lirisë së Kosovës.
Me respekt dhe nderim të thellë,
Organizata e Veteraneve të UÇK-së Dega në Drenas.
