Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Nënkryetari i Kuvendit të Kosovës, Enver Hoxhaj kritikoi shefin e diplomacisë së BE-së, Josef Borrell dhe emisarin e tij ndërmjetësues të dialogut Kosovë-Serbi, Miroslav Lajçak. Ai tha se qëllimi i deritanishëm i arritjes së një marrëveshjeje ndërmjet dy shteteve, ishte njohja e ndërsjellë, e jo siç po thonë partnerët ndërkombëtarë, që ajo nuk do të ndodhë në këtë fazë. “Nuk ka të bëj shumë me qëndrime partiake. Përtej ngjyrave partiake, nuk gabojmë ta reduktojmë interesin e vendit në interes të ngushtë të PDK-së. Për më shumë, të gjithë kemi folur që qëllimi i dialogut është marrëveshja finale, njohje e ndërsjellë. Kjo është paradigmë e re. Tash po na thonë partneret tanë, se në këtë fazë nuk do të ndodh njohja. Hoxhaj tha se anëtarësimet e Kosovës nëpër shumë organizata ndërkombëtare janë falë mbështetjes amerikane. Lajcak e Borell kanë origjinë nga dy vende anëtare të BE-së që nuk e njohin Kosovën, sikur janë Spanja e Sllovakia dhe kjo është një lloj hipokrizie saktësoi Hoxhaj. Albin Kurti duhet të ketë një listë për anëtarësimet nëpër organizata botërore, si ajo e Tregtisë, UNESCO-ja dhe organizata të tjera rajonale. Nuk mundet Borelli e Lajcaku, njëri spanjoll e tjetri sllovak, që tërë kohën të na shesin mend se si të jenë ndërmjetësues dhe të mos i bindin qeveritë e tyre, saktësoi Enver Hoxhaj.
