Drejtoresha e Arsimit në Komunë e Gjakovës, Eranda Kumnova-Baçi, ka deklaruar për mediet se vendimi për të vendosur simbole, në shkollën “Nexhmedin Nixha” në Gjakovë ka qenë individual nga drejtoresha e shkollës. “Në momentin kur ne jemi njoftuar se janë vendosur ato simbole unë kam kontaktuar drejtoreshën dhe kam kërkuar që të largohen ato. Konsideroj se vendosja e atyre simboleve ishte veprim i pamatur nga ana e menaxhmentit të shkollës, dhe si veprim nuk guxon të përsëritet”. Megjithatë drejtoresha e Arsimit në Komunë e Gjakovës thotë se me udhëzim të MASHT-it në shkollat e arsimit para universitar ndalohet bartja e shamive në shkolla. “Megjithatë vendosje e simboleve të tilla në shkolla, sipas saj është e papranueshme”. Kumnova-Baçi thotë se të gjithë drejtorët duhet të flasin personalisht me secilin nxënës për zbatimin e rregulloreve të caktuara dhe sipas saj nuk ka nevojë për simbole të tilla. Drejtoresha e Arsimit në Komunën e Gjakovës ka thënë se do të merren masa disiplinore ndaj drejtoreshës në fjalë por duke u bazuar në ligj. Disa hoxhallarët kanë kërkuar dorëheqjen e drejtoreshës së shkollës ‘Nexhmedin Nixha’ ose të ministres së Arsimit, Arbërie Nagavci.
Kontrolloni gjithashtu
Deputetja Duda Balje ka deklaruar se do të votojë pro shpërndarjes së Kuvendit të Kosovës nëse kërkohet një vendim i tillë
Deputetja boshnjake, Duda Balje ka deklaruar se do të votojë pro shpërndarjes së Kuvendit të …