Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sociologu Fatmir Grejqevci ka kërkuar që shqiptarët e marrë me forcë gjatë luftës në Kosovë të mos përkufizohen vetëm si “persona të zhdukur”, duke vlerësuar se ky term nuk e pasqyron natyrën e krimit dhe përgjegjësinë e autorëve. Sipas tij, në rastet kur dëshmitë flasin për marrje me forcë nga ushtria dhe policia serbe, përcaktimi “persona të rrëmbyer” është më i saktë, pasi tregon jo vetëm mungesën e tyre, por edhe aktin kriminal dhe pyetjen se kush i mori, ku u dërguan dhe çfarë ndodhi me ta. Grejqevci ka kritikuar institucionet për mungesën e angazhimit të mjaftueshëm në zbardhjen e fatit të të pagjeturve, duke theksuar se emërtimi i krimit është pjesë e kujtesës, dokumentimit dhe kërkesës për përgjegjësi. “Nuk janë thjesht persona të zhdukur, por persona të rrëmbyer nga ushtria dhe policia e Serbisë”, është qëndrimi i tij.
