Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Deputeti Ferat Shala, një nga parashtruesit e kërkesës për kontroll të kushtetueshmërisë, ka theksuar se dërgimi i Statutit të Universitetit të Prishtinës “Hasan Prishtina” në Gjykatën Kushtetuese është një akt mbrojtës për universitetin. Sipas Shalës, statuti është hartuar pa përfshirjen e stafit akademik dhe larg syve të publikut, duke hequr edhe emrin e Heroit Kombëtar Hasan Prishtina. Ai ka kritikuar statutin për mospërmbushjen e sfidave dhe nevojave të universitetit, duke e quajtur atë të orientuar nga interesat e grupeve të caktuara.
Shala ka nënvizuar rëndësinë e rrëzimit të statutit në Gjykatën Kushtetuese dhe fillimin e një procesi të ri dhe transparent për hartimin e një statuti që adreson nevojat e universitetit dhe e drejton atë drejt standardeve evropiane të arsimit të lartë.
