Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori për statistika të popullsisë në Agjencinë e Statistikave të Kosovës (ASK), Avni Kastrati ka deklaruar se gjatë viteve 2021 e 2022, vendi është braktisur nga 80 mijë banorë, kryesisht të rinj. Ai ka thënë se pjesa më e madhe e qytetarëve migrojnë në vendet e Bashkimit Evropian, ndonëse ka thënë se ka edhe nga ata që migrojnë në vende më të largëta, si Shtetet e Bashkuara të Amerikës e vende tjera. “Ne e kemi publikuar vitin e kaluar një raport që është në bazë të vlerësimit dhe në atë raport janë evidentuar 42 mijë e 700 e me shumë banorë që kanë migruar. Por, një pjesë e tyre është kthyer dhe migrimi neto për vitin 2021 është rreth 38 mijë banorë” ka deklaruar ai për Ekonomia Online. Ai ka njoftuar se pjesa më e madhe e atyre që po e braktisin Kosovën janë të rinj, kryesish të moshës nga 21 deri 28 vjeçare. Drejtori për statistika të popullsisë në Agjencinë e Statistikave të Kosovës, Avni Kastrati Trendi ka tërhequr vërejtjen se trendi i ikjes së të rinjve duket se është edhe më i shprehur në vitin 2022 dhe në këtë fillim të vitit 2023.
