Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sekretari i Përgjithshëm i NATO-s, Jens Stoltenberg, prej dje e deri më 22 nëntor, do të qëndrojë për vizita në vendet e Ballkanit Perëndimor. Fillimisht ka vizituar Bosnje-Hercegovinën, sot ka qëndruar në Kosovë, pastaj pritet të vizitojë Serbinë dhe Maqedoninë e Veriut. Jens Stoltengerg, sot është takuar dhe ka biseduar me kryetaren, Vjosa Osmani dhe kryeministrin, Albin Kurti. Ai gjithashtu ka vizituar kampin Nothing Hill të KFOR-it. Me këtë rast z. Stoltenberg ka biseduar me komandantin e KFOR-it, gjeneralmajorin e Turqisë, Ulutash. Gjatë kësaj vizite, sekretari i Përgjithshëm i NATO-s, ka biseduar edhe me drejtorin e Ekipit Këshillues dhe Ndërlidhës të NATO-s, gjeneral brigade, Hammershtain. Gjatë qëndrimit në vendin tonë, Stoltenberg është shprehur i shqetësuar për ndikimin rus në rajon dhe retorikën e ndarjes, veçanërisht nga Rusia. Në vend të kërcënimeve për të rrezikuar stabilitetin dhe për të minuar reformat, të gjithë liderët duhet të punojnë për unitet dhe përparim. Ne jemi të përkushtuar ndaj stabilitetit në këtë rajon. Ju e dini se jemi të angazhuar për vite me radhë sepse shteti juaj ka rëndësi për tërë rajonin e Ballkanit Perëndimor. Prandaj po thellojmë bashkëpunimin tonë, dialogun politik dhe bashkëpunimin praktik”, tha Stoltenberg.
